Ambasadori i Mbretërisë së Bashkuar, Jonathan Hargreaves ka treguar se në takimin e djeshëm me të parën e vendit, Vjosa Osmanin, ranë dakord që pasojat e një ngërçi politik të vazhdueshëm do të ishin të rënda për Kosovën dhe popullin e saj.
Përmes një postimi të bërë sot në Facebook, ambasadori thekson se është përgjegjësi e partive politike që ta vendosin vendin mbi interesat partiake për ta gjetur një zgjidhje, njofton Klankosova.tv.
“Isha mirënjohës për takimin tim me Shkëlqesinë e Saj, Presidenten, dje. Ne ramë dakord që pasojat e një ngërçi politik të vazhdueshëm do të ishin të rënda për Kosovën dhe popullin e saj. E përgëzova Presidenten Osmani për përpjekjet e saj për të zgjidhur ngërçin në përputhje me Kushtetutën e Kosovës dhe theksova përgjegjësinë e të gjitha partive politike për ta vënë vendin mbi interesat partiake për të gjetur një zgjidhje”, ka shkruar Hargreaves.
