Shkup, 31 korrik – VLEN-i po forcohet me një emër të njohur për shoqërinë civile dhe opinionin publik shqiptar. Muhamed Murtezi, doktor i mjekësisë, magjistër i eurointegrimeve, botues dhe aktivist i palodhur për më shumë se tre dekada, zyrtarisht i është bashkuar kësaj force politike “VLEN”, njofton Izet Mexhiti, shkruan Zhurnal.mk.
Murtezi njihet për kontributin e tij nga Likova deri në Strugë, gjithmonë në shërbim të kauzës kombëtare dhe zhvillimit shoqëror. Ai sjell me vete dije, përvojë dhe profesionalizëm, duke përforcuar vizionin e VLEN-it për një qeverisje më efikase dhe të hapur ndaj ideve të reja.
“Kualiteti – IA VLEN! Dyert tona janë të hapura për çdo zë të përgjegjshëm dhe çdo mendje të lirë”, ka theksuar Izet Mexhiti, duke e cilësuar përfshirjen e Murtezit si vlerë të shtuar për mozaikun e intelektualëve, profesionistëve dhe aktivistëve që i bashkohen VLEN-it çdo ditë.
Me këtë hap, VLEN-i konfirmon se po bëhet zgjedhja kryesore e figurave të respektuara që synojnë ndryshimin dhe zhvillimin e shoqërisë shqiptare në Maqedoninë e Veriut.
