Ministrat e Jashtëm të 25 vendeve, përfshirë Mbretërinë e Bashkuar, Australi, Francë, Spanjë dhe Japoni, si dhe dy nënshkrues nga BE-ja, kanë lëshuar një deklaratë të përbashkët duke thënë se “vuajtjet humanitare në Gaza kanë arritur nivele të paimagjinueshme” dhe duke kërkuar nga qeveria e Izraelit që të lejojë hyrjen e ndihmave dhe të lejojë aktorët thelbësorë humanitarë të operojnë në Gaza, shkruan The Guardian.
Deklarata në tërësi:
“Vuajtjet humanitare në Gaza kanë arritur nivele të paimagjinueshme. Uria po zhvillohet para syve tanë. Nevojiten masa urgjente tani për të ndaluar dhe për të kthyer pas urinë. Hapësira humanitare duhet të mbrohet, dhe ndihmat nuk duhet të politizohen kurrë. Megjithatë, për shkak të kërkesave të reja kufizuese për regjistrim, organizatat ndërkombëtare humanitare thelbësore mund të detyrohen të largohen së shpejti nga Territoret Palestineze të Okupuara, gjë që do të përkeqësonte edhe më shumë situatën humanitare. Ne i bëjmë thirrje qeverisë së Izraelit që të japë autorizimin për të gjitha dërgesat e ndihmave nga organizatat ndërkombëtare humanitare dhe të heqë pengesat për aktorët thelbësorë humanitarë për të operuar. Duhet të merren hapa të menjëhershëm, të përhershëm dhe konkrete për të lehtësuar qasjen e sigurtë, në shkallë të gjerë për OKB-në, OJQ-të ndërkombëtare dhe partnerët humanitarë. Të gjitha pikat e kalimit dhe rrugët duhet të përdoren për të lejuar një “fllad” ndihmash në Gaza, duke përfshirë ushqim, furnizime ushqimore, strehim, karburant, ujë të pastër, ilaçe dhe pajisje mjekësore. Nuk duhet përdorur forcë vdekjeprurëse në vendet e shpërndarjes së ndihmave, dhe duhet të mbrohen civilët, punonjësit humanitarë dhe mjekësorë. Ne jemi mirënjohës ndaj SHBA-së, Katarit dhe Egjiptit për përpjekjet e tyre në nxitjen e një armëpushimi dhe ndjekjen e paqes. Nevojitet një armëpushim që të përfundojë lufta, të lirohen pengjet dhe ndihmat të hyjnë në Gaza pa pengesa në tokë”.
Nënshkruesit: Australia, Belgjika, Kanadaja, Qipro, Danimarka, Estonia, Finlanda, Franca, Greqia, Islanda, Irlanda, Japonia, Lituania, Luksemburgu, Malta, Holanda, Norvegjia, Portugalia, Sllovakia, Sllovenia, Spanja, Suedia, Zvicra dhe Mbretëria e Bashkuar. Përfaqësuesi i Lartë i BE-së për Punët e Jashtme dhe Politikën e Sigurisë dhe Zv/Presidenti i Komisionit Evropian, Komisioneri i BE-së për Mesdheun dhe Komisioneri i BE-së për Barazinë, Përgatitjen dhe Menaxhimin e Krizave.
