Është normale të djersiteni gjatë natës nëse dhoma juaj është shumë e ngrohtë. Megjithatë, nëse zgjoheni rregullisht me çarçafë të lagur, duhet të vizitoni mjekun tuaj të familjes.
Shërbimi Shëndetësor Kombëtar i ka këshilluar njerëzit të jenë të kujdesshëm me djersitjet gjatë natës. Ka shumë arsye pse mund të djersiteni natën, duke përfshirë temperaturën dhe faktin që ndani shtratin me dikë tjetër.
Edhe pse kjo shenjë mund të mos jetë shkak për shqetësim, në raste ekstreme mund të tregojë një problem serioz shëndetësor.
Është paralajmëruar se shenjat e djersitjes gjatë natës mund të vlerësohen në bazë të veshjeve dhe çarçafëve tuaj. Domethënë, nëse djersitni aq shumë sa pizhamet dhe çarçafët tuaj janë të lagur dhe vendi ku flini është ende i ftohtë, atëherë kjo është një shkak për alarm.
Shërbimi Kombëtar i Shëndetit (NHS) tha se duhet të vizitoni një mjek nëse: djersiteni rregullisht natën, gjë që ju zgjon, keni temperaturë shumë të lartë (ose ndiheni të nxehtë dhe të dridhura), keni kollë ose diarre.
Arsyet më të zakonshme për djersitje natën janë: menopauza, ankthi, ilaçe të tilla si disa antidepresivë, steroide dhe qetësues dhimbjesh, sheqeri i ulët në gjak (hipoglicemia), përdorimi i alkoolit ose drogës dhe një gjendje e padëmshme e quajtur hiperhidrozë, e cila ju bën të djersiteni tepër gjatë gjithë kohës.
Megjithatë, ndonjëherë shkaku i djersitjeve gjatë natës mbetet i panjohur.
Megjithatë, në disa raste, djersitjet e natës mund të jenë një simptomë e kancerit. Cancer Research UK rendit “djersitjet shumë të bollshme të natës” si një shenjë të zakonshme të kancerit.
Shërbimi Shëndetësor Kombëtar (NHS) shton se disa lloje kanceri mund t’ju shkaktojnë djersitje më të madhe se zakonisht. Këto përfshijnë: limfomën jo-Hodgkin, limfomën Hodgkin, tumoret karcinoide, leuçeminë, mezoteliomën, kancerin e kockave, kancerin e prostatës, kancerin e veshkave, tumoret e qelizave embrionale dhe kancerin e avancuar medular të tiroides.
