Shkup, 31 gusht – Rritja e vazhdueshme e prodhimit industrial është lajm shumë i mirë për ekonominë e Maqedonisë. Prodhimi industrial në korrik të këtij viti është rritur për 4,1 për qind, krahasuar me muajin e njëjtë vitin e kaluar. Korriku është treguesi i parë për tremujorin e tretë të vitit 2025, shkroi kryeministri Hristijan Mickoski në profilin e tij në Fejsbuk.
“Industria përpunuese është faktor kryesor për rritjen e prodhimit industrial me rritje prej shtatë për qind krahasuar me të njëjtin muaj të vitit të kaluar. Në mënyrë kumulative, prodhimi industrial nga fillimi i vitit që përfundon në korrik (në shtatë muajt e parë të vitit 2025) u rrit për tre për qind krahasuar me të njëjtën periudhë të vitit të kaluar, ndërsa industria përpunuese është rritur për 4,5 për qind për të njëjtën periudhë. tërësisht po ndryshon struktura e ekonomisë së vendit”, thuhet në postimin e Mickoskit.
Ai thekson se numri i turistëve dhe numri i bujtjeve po rritet, Bruto prodhimi i vendit po rritet, çmimi i blerjes së produkteve bujqësore po rritet, ndërtimi po rritet, tregtia po rritet, etj.
“Nga një vend, në të cilin krimi dhe korrupsioni ishin përditshmëri, ndërsa politika antikombëtare ishte shenjë mbrojtëse e qeverisë, tani jemi një vend i rritjes ekonomike, fitoreve dhe stabilitetit. Hap pas hapi do të bëjmë shumë më tepër. Nuk ka dorëzim. Politikë patriotike diplomatike, e cila ka për qëllimn mbrojtjen e interesave kombëtare”, thotë kryeministri Mickoski në postimin e tij në Fejsbuk. bsh/
