Shkup, 5 tetor – Aktivitetet zgjedhore të pjesëmarrësve në Zgjedhjet Lokale 2025 vazhdojnë edhe sot, që është ditë jo pune për qytetarët, por ditë e angazhuar për kandidatët për këshilltarë dhe kryetarë komunash në 80 komuna të vendit. Edhe dita e shtatë e fushatës për zgjedhjet e 19 tetorit po zhvillohet si në ditë të zakonshme – me mitingje dhe takime me qytetarë në disa pjesë të Maqedonisë.
Partia në pushtet, VMRO-DPMNE, sot do të mbajë mitingje ku do të prezantojë kandidatët për kryetarë komunash dhe këshilltarë në komunat Novo Sellë, Vasiljevë, Bosillovë dhe Radovish në rajonin e Strumicës.
Ndërkohë, LSDM pasdite dhe në mbrëmje do të jetë në komunat e Maqedonska Kamenicës, Pehçevës, Berovës dhe Dellçevës.
AKI do të qëndrojë në rajonin e Pollogut, kurse VLEN me kandidatët në dy qytetet më të mëdha, Tetovën do të ketë paraqitje para mediave gjatë ditës dhe takime me qytetarë gjatë natës.
Fushata për zgjedhjet lokale përfundon më 17 tetor në mesnatë, pas së cilës fillon heshtja zgjedhore 24-orëshe para ditës së votimit më 19 tetor.
