Shkup, 25 qershor, Zhurnal.mk – Kryetari i Komunës së Çairit, Izet Mexhiti, ka njoftuar nisjen e një fushate me masa për mbrojtjen e qytetarëve nga temperaturat e larta të verës, nën moton “Çairi në ritmin e shëndetit”, shkruan Zhurnal.mk.
Përmes një paraqitjeje publike, Mexhiti bëri të ditur se komuna ka filluar zbatimin e aktiviteteve që synojnë të lehtësojnë përballimin e vapës, me fokus në mbrojtjen e shëndetit të qytetarëve gjatë periudhës së temperaturave të larta.
Sipas tij, masat janë pjesë e angazhimit të Komunës së Çairit për të krijuar kushte më të sigurta dhe më të favorshme për banorët gjatë sezonit veror.
Nga Komuna pritet të publikohen detaje shtesë për aktivitetet dhe masat konkrete që do të ndërmerren në kuadër të kësaj fushate.
