Berlin, 29 qershor, Zhurnal.mk – Ministri i Jashtëm gjerman, Johann Wadephul ka theksuar rëndësinë e garancive të sigurisë kolektive të NATO-s, përpara takimit me sekretarin amerikan të Shtetit, Marco Rubio, që pritet të fokusohet në ndarjen e barrës brenda aleancës.
Wadephul deklaroi se siguria euroatlantike, varet nga uniteti brenda NATO-s dhe nga vazhdimi i bashkëpunimit të fortë mes aleatëve.
Ai shtoi se Rusia “nuk guxon të sulmojë një vend anëtar”, duke theksuar efektin e parandalimit kolektiv të aleancës.
Takimi në Uashington pritet të përqendrohet, në një marrëveshje të re për ndarjen e shpenzimeve në NATO, si dhe në sigurimin e një mbështetjeje afatgjatë për Ukrainën – një çështje kyçe edhe për samitin e ardhshëm të aleancës, në Ankara.
Në sfond të debatit, presidenti amerikan Donald Trump ka kritikuar vazhdimisht, aleatët evropianë për kontribute të pamjaftueshme në mbrojtje, duke kërkuar rritje të shpenzimeve ushtarake.
Pavarësisht tensioneve, Wadephul shprehu besimin se SHBA-ja, do të vazhdojë angazhimin e saj ndaj sigurisë së Evropës.
Në fokus të bisedimeve, do të jetë edhe situata në Iran dhe siguria globale, ndërsa Wadephul paralajmëroi për rreziqet në rritje, në zonat detare strategjike dhe ndikimin e tyre në ekonominë botërore.
Pas vizitës në SHBA, ministri gjerman do të udhëtojë drejt Paraguait për një samit me vendet e “Mercosur”, në kuadër të marrëveshjeve tregtare me Bashkimin Evropin, që synojnë krijimin, e një zone të gjerë të lirë tregtare, mes Evropës dhe Amerikës së Jugut.
