Shkup, 12 gusht, Zhurnal.mk – Rezultatet e reja të analizave të ujit në Gostivar ende nuk janë gati. Mostrat janë marrë nga disa pika të rrjetit, por për shkak të procesit laboratorik rezultatet kërkojnë të paktën.
Deri në daljen e rezultateve përfundimtare, mbetet në fuqi ndalesa për përdorimin e ujit për konsum dhe për përgatitjen e ushqimit.
“Rezultatet nga mostrat e fundit ende nuk janë gati, pasi periudha e inkubacionit është 72 orë. Ende nuk kanë kaluar 72 orët e nevojshme që analizat të përfundojnë plotësisht. Sapo Shtabi Qendror i Krizës t’i marrë rezultatet, opinioni do të informohet me kohë.” – tha Zudi Xhelili nga Shtabi Lokal i Krizës.
Ndërsa priten rezultatet për cilësinë e ujit, vazhdojnë edhe punët për stabilizimin e furnizimit. Një nga ndërhyrjet kryesore po zhvillohet në rezervuarin në Banjicë të Epërme.
Sipas Shtabit Lokal të Krizës, rezervuari është drejt përfundimit dhe pritet të vihet në funksion së shpejti.
“Sa i përket furnizmit, në fashatin Banjicë të Epërme ekziston një rezervuar i cili është duke u përfunduar dhe do të vendoset në përdorim, me çka do të rritet sasija e ujit për katër vendbanime të cilat brenda ditës nuk kaën pasë shtypje të mjaftueshme, apo vende vende më të larta skanë pas aspak ujë, ndërsa në periudhën e natës një pjesë ka pas sasi të vogël uji. Me futjen në përdorim të këtij rezervuari niveli i ujit do të rritet dukshëm. Besojë që këto pjesë do të furnizohen me ujë në periudhë prej 24 orësh.” – deklaroi Zudi Xhelili nga Shtabi Lokal i Krizës.
Deri atëherë, qytetarët vazhdojnë të furnizohen me ujë të pijshëm përmes cisternave dhe ujit të ambalazhuar. Vendimi për heqjen e ndalesës së përdorimit të ujit do të merret vetëm pasi të dalin rezultatet përfundimtare të analizave. (Sanije Duraku, TVM2)
