Tetovë, 29 shtator argument.mk/ – Për shkak të ndërhyrjeve të planifikuara në rrjetin elektrodistributiv, të mërkurën dhe të enjten disa pjesë të komunave Bërvenicë, Tearcë dhe Zhelinë do të mbeten pa energji elektrike.
Më 30 shtator, në Komunën e Bërvenicës, ndërprerja është planifikuar nga ora 08:00 deri në 15:00. Pa energji elektrike do të mbeten objektet në Helga, Cucul, San Bim, Alba Plast, Bonitas, Brioni, betoniera e Bërvenicës, BP Brioni, ferma Brioni, ferma e derrave, qumështorja Brioni, betoniera e Radiovcës, mulliri i Radiovcës, Sali Muhamed, PVP Bashkim Turs Çellopek, si dhe një pjesë e fshatit Çellopek, përkatësisht objektet në hyrje të fshatit.
Në Komunën e Tearcës, po më 30 shtator, nga ora 09:00 deri në 14:00 do të ketë ndërprerje të energjisë elektrike në një pjesë të fshatit Dobrosht, si dhe në objektet pranë xhamisë së vjetër.
Në Komunën e Zhelinës, më 30 shtator, pa energji elektrike nga ora 09:15 deri në 14:00 do të mbetet një pjesë e fshatit Trebosh.
Ndërprerja në Komunën e Zhelinës do të vazhdojë edhe më 1 tetor, kur nga ora 08:45 deri në 14:45 pa energji elektrike do të mbeten fshatrat Sallarev, Llërcë dhe Gurgurincë.
Bëhet fjalë për ndërprerje të planifikuara, në përputhje me orarin e ndërhyrjeve në rrjetin elektrodistributiv.
