Shkup, 2 tetor, argument.mk/ – VMRO‑DPMNE publikisht e thirri Prokurorinë Publike të veprojë sipas akuzave që lideri i SDSM, Venko Filipçe, i ka bërë kundër deputetes dhe ish‑ministres Slavjanka Petrovska për krim të supozuar me vlerë 37 milionë euro.
Në konferencën e sotme për shtyp, zëdhënësi i partisë, Valentin Manasievski, theksoi se bëhet fjalë për një skandal serioz që nuk duhet të injorohet.
“Venko Filipçe në konferencën e djeshme për shtyp zbuloi dhe konfirmoi skandal ku ka dyshim bazë për krim. Ai deklaroi, citoj: ‘Slavjanka Petrovska ka nënshkruar për 37 milionë euro kontratë më të shtrenjtë për blerjen e helikopterëve, pasi komisioni kishte marrë vendim tjetër’”, rikujtoi Manasievski.
Ai shtoi se partia e mbështet Filipçen të vazhdojë të flasë dhe pret që Prokuroria Publike menjëherë dhe pa vonesë të hapë lëndë sipas zërit të publikut, me qëllim që të marrë në pyetje deputetin për të gjitha detajet e lidhura me këtë rast.
