Shkup, 5 nëntor, argument.mk/ – Komisioni Shtetëror Zgjedhor ka hedhur poshtë ankesën e OBRM-PDUKM-së lidhur me vendvotimin 2038 në Çellopek të Bërvenicës dhe kërkesën për rivotim.
Anëtarët e KSHZ-së ishin të pajtimit se megjithatë, duhet t’u jepet paralajmërim për shkarkim anëtarëve të Këshillit Komunal Zgjedhor, pasi që kanë bërë shkelje gjatë plotësimit të procesverbalit.
Në këtë vendvotim gjithsej kanë votuar 404 persona, 319 për Arkin Jahijin e AKI-së dhe 13 për kundërkandidatin Stojanço Radojçevski.
