Shkup, 2 shkurt – Ministri i Punës dhe Politikës Sociale, Gjoko Vellkovski sot kishte takim me përfaqësues nga Banka Botërore, Sara Koll Bllek, specialiste e lartë për mbrojtje sociale në praktikën globale për mbrojtje sociale dhe punë dhe Bojana Naceva, specialiste e lartë për arsim.
MPPS kumtoi se gjatë takimit është diskutuar për projektet aktuale që janë duke u realizuar me mbështetjen e Bankës Botërore, si dhe për projekte të ardhshme të përbashkëta.
Velkovski theksoi se prioritetet e tij si ministër do të jenë avancimi i shërbimeve sociale, zgjerimi i qasjes dhe përmirësimi i cilësisë së shërbimeve parashkollore, si dhe realizimi i projektit për administrimin e sigurimeve sociale.
“Bashkëbiseduesit theksuan se bashkëpunimi i ndërsjellë do të vazhdojë edhe më tej, para së gjithash në interes të një standardi më të lartë jetësor, avancimit të të drejtave dhe mbrojtjes së të gjitha kategorive të qytetarëve në vend, informojnë nga MPPS-ja.
