Sekretari amerikan i Transportit, Pete Buttigieg u bëri thirrje shoferëve të kenë kujdes, pasi në internet dolën video të shumta të njerëzve që vozisnin makinat Tesla me sistemin autopilot, derisa në të njëjtën kohë i kishin në kokë pajisjet Vision Pro.
Buttigieg reagoi pas një video shqetësuese të shpërndarë në X që kishte më shumë se 24 milionë shikime, ku një shofer i Tesla Cybertruck po manovronte me pajisjet Vision Pro derisa vetura ecte me sistemin autopilot.
“Lajmërim – të gjitha sistemet e avancuara të vetë-vozitjes të disponueshme për momentin, kërkojnë edhe monitorimin tuaj, pra të mbani kontrollin e timonit tuaj”, deklaroi Buttigieg.
Një tjetër shofer i Tesla-s është parë duke vozitur veturën e tij derisa të njëjtën kohë përdorte pajisjet Vision Pro, ai raportohet se u arrestua nga policia.
Vision Pro të Apple u lansuan javën e kaluar dhe janë pajisje ku integrohet bota digjitale tredimensionale me botën e jashtme dhe të realitetit tonë.
Apple thotë se njerëzit nuk duhet t’i përdorin ato gjatë vozitjes së automjetit.
Me ose pa këto kufjet, sekretari amerikan gjithmonë ka bërë thirrje t’u kushohet vëmendje vozitjes gjatë sistemit Autopilot të Tesla-s.
