Shtëpia e “Big Brother VIP Albania” u trondit sot nga një incident që kaloi shumë afër përplasjes fizike mes dy banoreve: Rike Roçi dhe Egla Ceno.
Gjendja e tensionuar u shfaq gjatë një diskutimi të nxehtë, ku në shenjë të pakënaqësisë për përmendjen e personave të saj të afërt, Rikja i hodhi Eglës qumësht mbi kokë.
Egla, e befasuar nga ky veprim dhe në përpjekje për t’i shpëtuar sulmit, u detyrua të vepronte me instinkt duke e kapur Riken nga dora dhe duke e larguar.
Kjo situatë e nxehtë shkaktoi ndërhyrjen e menjëhershme të të tjerëve banorëve dhe të stafit të spektaklit për të qetësuar gjërat dhe për t’u siguruar që përplasja të mos shkonte më tej.
Ky incident është vetëm i fundit në një sërë përplasjeve dhe emocionesh të forta që kanë karakterizuar këtë edicion të “Big Brother VIP Albania”.
Tensionet përcillen 24 orë në 24 nga kamerat që kapin çdo moment të jetës brenda shtëpisë, ku çdo veprim dhe fjalë mund të bëhet shkak për konflikt.
Ndërkohë, vëlla i madh u ka dërguar banorëve zarfin e zi, i cili do të ketë brenda njoftimin mbi dënimin përkatës për këtë situatë jashtë rregullave të BBVA.
