Shkup, 14 mars – Ministri i Arsimit dhe Shkencës, Jeton Shaqiri përmes një porosie në rrjetet sociale ka bërë të ditur se muajin tjetër vendoset gurthemeli për ndërtimin e objektit të ri të gjimnazit “Sami Frashëri” në Kumanovë.
“Po ndaj sot një nga lajmet më të mirëpritura për Kumanovën – pas përmbylljes së procedurës tenderuese për ndërtimin e gjimnazit të Kumanovës “Sami Frashëri”, sot kisha kënaqësinë të nënshkruaj vendimin për zgjedhjen e kompanisë fituese të kësaj procedure. Gjatë muajit prill, pas nënshkrimit të kontratës, do të hidhet gurëthemeli në rrethin e kampusit shkollor në lagjen Bedinjë për objektin krejtësisht të ri për 1200 nxënës të gjimnazit të Kumanovës, ndërsa kompania fituese brenda 24 muajve duhet të dorëzojë çelësat e shkollës së re”, njoftoi ministri Shaqiri.
