Rrjedha e llavës nga vullkani në gadishullin Reykjavik në Islandë është e qëndrueshme. Shkencëtarët në orët e fundit kanë vënë re një ulje të rrjedhës së llavës, e cila krijon një optimizëm.
Shpërthimi që ndodhi të shtunën e kaluar është i shtati që nga viti 2021 dhe i katërti që nga dhjetori.
Llava ka arritur në kufijtë lindorë të qytetit të Grindavik, i cili tashmë është evakuuar dhe është vetëm 200 metra nga tubacioni kryesor i ujit të zonës.
Tubacioni i shpërndarjes ndodhet pranë termocentralit Svartsengi, një termocentral gjeotermik që siguron ujë të nxehtë për pjesën më të madhe të gadishullit Reykjanes.
Çfarë do të ndodhë nëse llava arrin në det?
Kreu i Shërbimit Meteorologjik Norvegjez paralajmëroi për “situata të vështira dhe të rrezikshme” nëse llava arrin në det.
Sipas RUV, nëse llava, e cila është alkaline, bie në kontakt me ujin e detit, mund të prodhohen tymra klori, ndërsa mund të ndodhin “shpërthime të vogla” kur llava ndërvepron me ujin e detit.
Të gjitha rrugët drejt dhe nga Grindavik pritet të mbyllen, ndërsa rreth 4,000 banorët e qytetit janë evakuuar për një muaj pasi shpërthimi i janarit shkatërroi tre shtëpi. Shumë po mendojnë të shesin shtëpitë e tyre dhe vetëm 10 deri në 20% thonë se do të kthehen në qytet.
