Shkup, 13 gusht – Gjatë natës së kaluar, ekipet e NP Higjiena Komunale – Shkup kanë realizuar një sërë aktivitetesh të jashtëzakonshme për ngritjen dhe transportimin e mbetjes nga deponitë e egra. Janë larguar rreth 60 metra kub mbetje të hedhura në mënyrë të paligjshme, të mbetjes komunale të vëllimshme, ndërtimore dhe të përziera, në rrugët Zhenevska dhe Vasill Çakalarov në komunën Karposh të Shkupit, ndërsa është intervenuar edhe në rrugën Bradfordska, në afërsi të restorantit “Makedonska kuqa”, informoi NP Higjiena komunale – Shkup.
Deponitë e egra të larguara kryesisht janë të vendosura rreth kontejnerëve të destinuar për deponimin e mbetjes komunale ndërsa krijohen në periudhën kur enët plotësisht janë të zbrazur dhe mbetja mund të hedhet në to.
NP Higjiena Komunale – Shkup apelon të ndalohet hedhja e paligjshme dhe e pakujdesshme e mbetjes në sipërfaqe publike, e cila drejtpërdrejt kontribuon në ndotjen e mjedisit jetësor dhe rezikon shëndetin publik.
