Shkup, 22 gusht – Prokuroria Themelore Publike Shkup informoi se gjatë ditës së djeshme është privuar nga lira një person, për të cilën ekziston dyshimi se ka qenë i involvuar në vrasjen afër QT “Mavrovasja”. Bëhet fjalë për një të burgosur, i cili ka qenë i arratisur nga INP Burgu -Shkup.
Siç informojnë nga Prokuroria vijojnë ekspertizat e dëshmive materiale me të cilat vërtetohet dyshimi për përfshirje të këtij personi në ngjarje, ndërsa i dyshuari është kthyer me masa maksimale të sigurimit.
“Duke qenë se i paraburgosuri është person i dënuar për vepër tjetër penale dhe ishte në arrati nga INP Burgu – Shkup në bazë të urdhëresës së lëshuar dhe pas konsultimit me prokurorin publik sot me masa maksimale të sigurisë është kthyer në burg”, thuhet në komunikatë.
Për këtë ngjarje, Prokuroria Themelore Publike Shkup paraprakisht ka ngritur hetim kundër një personi, i cili përndiqet për vepra penale – vrasje, vrasje në tentativë dhe posedim ilegal i armëve dhe në të cilën me propozim të prokurorit publik, i është caktuar masë arresti prej 30 ditëve.
