Shkup, 5 shtator – Në selinë e BDI-së në Çair sot është caktuar mbledhje ku do të marrin pjesë gjithë kryetarët e degëve të Shkupit dhe deputetët e zonës 1 dhe 2.
Sipas informacioneve që qarkullojnë mbledhjen do ta udhëheqë Sekretari Organizativ i BDI-së Blerim Bexheti, ndërsa do të diskutohet për bashkimin e gjitha degëve të BDI në Shkup.
Konkretisht degën e Çairit, Sarajit, Nerezit, Çuçer Sandevës, Butelit, Shutkës, Hasanbegut, Haraçinës, Petrovecit dhe Stueniçanit. Degë këto që në zgjedhjet e fundit siguruan rreth 30 për qind nga votat e përgjithshme të Frontit Europian.
Qëllimi i krijimit të një dege të vetme është që të ketë koordinim më të mirë dhe më efikas të degëve si dhe lëshimi i pozicioneve tek të rinjtë.
Shefi i ri i degës së Shkupit mësohet të jetë, Bekim Neziri, i cili do t’i prijë procesit.
Në mbledhjen e mbajtur në Shkup, u bë bashkësia e degëve të Bashkimit Demokratik për Integrim në Shkup me kryetar Bekim Neziri. Të pranishëm ishin kryetarët e degëve të Shkupit, deputetët e njësisë zgjedhore 1 dhe 2 dhe anëtarë tjerë të këtij organi. Urime dhe na prift e mbara në proceset që do të na prijnë në fitoret e rradhës, shkruan kështu Blerim Bexheti nga BDI.
