Shkup, 14 shtator – Ndërmarrja Publike “Rrugët Shtetërore”, me drejtor Koce Trajanovski është institucioni që ka hequr fillimisht tabelat me gjhën shqipe në afërsi të vendkalimit kufitar Bllacë, ndërsa i ka zëvendësuar me të reja tregjuhëshe – maqedonisht, anglisht dhe frengjisht, por duke e hequr tërësisht gjuhën shqipe.
Gazeta KOHA merr vesh se fillimisht, për tabelat e reja pa gjuhën shqipe, leje ka dhënë Ministria e Punëve të Brendshme, meqenëse bëhet fjalë për vendkalim kufitar.
Megjithatë, ajo që më shumë ka shkaktuar reagime është heqja e tabela me mbishkrime edhe në gjuhën shqipe. Konkretisht, vite më parë, mbishkrimi në tabelat e Bllacës kanë qenë në maqedonisht, shqip dhe anglisht, por sot dy të tilla janë zëvendësuar me maqedonisht, anglisht dhe frengjisht.
Ndryshe, tabelat që u vendosën mbrëmë në kufirin me Kosovën, në Bllacë, në të cilat nuk figuronte gjuha shqipe, sot nuk janë më aty. Të njejtat mbrëmë janë larguar.
