Veles, 17 shtator – Marjanço Malinov nga Velesi dje në polici ka raportuar se vajza e tij 23-vjeçare Teodora ka ikur nga shtëpia në drejtim të panjohur, së bashku me vajzën e saj dyvjeçare.
“Jam i shqetësuar se nuk e di ku janë, me të është edhe mbesa që është vetëm dy vjeçe”. Teodora është në mes të procedurave të divorcit, bashkëshorti i saj është në paraburgim dhe ka jetuar dy vite me ne, ka një kat në shtëpi për të dhe mbesën”, thotë Marjanço Malinov për “Fokus”.
“Ditën që ajo u largua, ne u grindëm në shtëpi dhe e di që ajo shkoi në polici. I thanë se do të fliste një punonjës social, por mendoj se kishte frikë se mos i merrnin fëmijën dhe për këtë arsye u largua. Më pas kemi marrë vesh se ajo ka shkuar në stacionin e autobusëve dhe ka shkuar në Strumicë me autobus. Ne nuk njohim njeri në Strumicë, as nuk kemi ndonjë shok me të cilin ajo mund të shkojë. Kërkoj nëse e ka parë dikush të më telefonojë menjëherë”, thotë babai i Teodorës.
Ai shton se vajza e tij prej dy vitesh nuk kishte celular, nuk kishte me vete pasaportë, por vetëm kartën me të cilën merrte ndihmë sociale.
“Ajo nuk ka mjete të mjaftueshme për të mbijetuar me fëmijën, ndihma që ka marrë është rreth tetë mijë denarë. Nuk mund të kujdesesh për fëmijën me ato lekë, këtu tek ne kishin gjithçka që duhej. Ju bëj thirrje nëse e lexoni këtë, të më telefononi dhe të ktheheni, ose nëse dikush e vëren të më telefonojë menjëherë në 078 409 579”, ka thënë Malinov.
SPB Veles informon se po merren masa për gjetjen e nënës dhe fëmijës së saj.
