Shkup, 4 nëntor – Fondi i sigurimeve shëndetësore FSH që nga viti 2014 ose është në “status kuo” ose është në rënie në të gjitha fushat e punës së saj, vlerësoi sot drejtori i FSSH-së, Sasho Klekovski.
Të gjithë 740-të të punësuarit në FSSH, siç tha, po punojnë për tejkalimin e problemeve. Me ribalancimin e Buxhetit, shtoi ai, FSSH ka buxhetin e vet prej rreth 780 milionë euro, nga të cilat 87 për qind janë për shërbime shëndetësore, 11,5 për qind për kompensime të pushimit mjekësor, ndërsa 1,5 për qind për shpenzime për funksionimin e FSSH-së.
“Problemet më lehtë shihen përmes borxhit të institucioneve shëndetësore publike (ISHP). Më 30 qershor të këtij viti, 109 ISHP kishte borxh prej pesë miliardë denarë, ndërsa vetëm në gjysmën e parë të vitit borxhi u rrit për një miliard denarë. Në buxhetin e FSSH-së nuk ishin planifikuar as harmonizimet e pagave në shëndetësi të dakorduara në vitin 2023. Kjo do të thotë se ka rritje të borxheve, ndërsa nuk janë të mbuluara obligimet e marra për pagat në shëndetësi publike dhe për kushtet e punës në aspektin e barnave”, tha Klekovski në Platformën “100 për qind të përkushtuar për ju në temën: Masat dhe politikat për përmirësimin e shëndetësisë, politikës sociale, demografisë dhe rinisë” që u mbajt sot në Qeveri.
Pikërisht për këtë, siç tha, një nga aktivitetet e para të FSSH-së në bashkëpunim me Projektin për qeverisje të mirrë të USAID-it ka qenë që të bëhet analiza funksionale dhe vlerësimi i rreziqeve të nga korrupsioni.
“Në shëndetësi nuk do të ketë përmirësim nëse nuk shtypim korrupsionin dhe krimin. Ne besojmë se kjo duhet të çojë në kursimet e nevojshme që nevojiten për të përmirësuar kujdesin shëndetësor dhe kushtet e punës. Stimul i rëndësishëm ishte edhe ribalancimi i buxhetit, i cili së bashku me kursimet mundësoi uljen e borxheve të ISHP-së për dy miliardë denarë”, tha Klekovski.
Me këtë, shtoi, do të zvogëlohen shpenzimet gjyqësore dhe intereset në kontestet gjyqësore për shkak të moshërbimit të borxheve, shumë që janë në miliona euro.
“Shpresojmë se me disiplinën tonë më të mirë financiare do të kontribuojmë në uljen e çmimeve të barnave, sepse në to tani është përfshirë edhe çmimi i mospagesës”, theksoi Klekovski.
Ai theksoi se FSSH tashmë ka siguruar financim kudo që duhej të sigurohej vazhdimësia e shërbimeve, gjegjësisht rreth pesë milionë euro për Klinikën për Radioterapi dhe Onkologji, është rritur fondi për hulumtime gjenetike, është siguruar një fond shtesë për kardiokirurgjinë e fëmijëve.
“Aktualisht po punohet për llogaritjet që disa nga barnat që janë në listën pozitive për spitalet, për disponueshmëri më të lehtë për pacientët, të kalojnë në listën pozitive të disponueshmërisë në barnatore. Jemi duke biseduar edhe me shoqatat e mjekëve amë dhe presim që deri në fund të vitit të arrihet një marrëveshje për më shumë masa për përmirësimin e punës në kujdesin parësor, thekson Klekovski.
