Shkup, 14 nëntor – Ministri i Punëve të Brendshme, Pançe Toshkovski sot u bëri thirrje shoferëve që t’i ndërrojnë patentat dhe t’i marrin të reja, me emrin e ri kushtetues.
Duke folur gjatë një vizite në Departamentin për Personalizim në MPB, ku u promovua makina e re për shtypjen e dokumenteve personale, Toshkovski tha se qytetarët duhet ta shfrytëzojnë këtë periudhë.
“Qytetarët duhet ta shfrytëzojnë periudhën e ardhshme për ndryshimin e patentë shoferit me emrin e ri kushtetues sipas Ligjit për sigurinë në rrugë. Ata duhet të përfitojnë nga periudha e ardhshme dhe të rinovojnë patentë shoferin sa më shpejt që të jetë e mundur, sepse patentë shoferët e vjetër do të vlejnë deri më 31 dhjetor të këtij viti”, tha Toshkovski.
