“Sea Life Bangkok Ocean World”, një nga akuariumet më të mëdha në botë me specie të rralla dhe shtëpi e afro 30 mijë krijesave të detit në kryeqytetin e Tajlandës, Bangkok, ofron një përvojë nënujore për vizitorët e tij, raporton Anadolu.
Duke luajtur një rol në mbrojtjen e ekosistemit detar të botës, “Sea Life Bangkok” ofron habitat për shumë specie dhe kontribuon në mbrojtjen e krijesave të rrezikuara.
Akuariumi zë një sipërfaqe prej 10 mijë metra katrorësh, ndërsa vizitohet nga 1.5 milion vizitorë. Akuariumi është një nga vendet më të vizituara turistike të Tajlandës.
Akuariumi më i madh i Tajlandës tërheq vëmendjen me speciet e tij të rralla jo vetëm në vend, por edhe në botë.
“Sea Life Bangkok Ocean World” shquhet jo vetëm si një akuarium, por edhe si një qendër biodiversiteti që nxit ndërgjegjësimin mjedisor për vizitorët.
Përderisa çdo specie të kujdesur në akuarium kontribuon në mbijetesën e krijesave në rrezik të zhdukjes në natyrë, projektet e kryera së bashku me qeverinë tajlandeze synojnë të mbrojnë speciet.
Gjigantët elegantë të deteve
Një nga banorët që tërheqin më së shumti vëmendjen janë rraxhët gjigant, që përbëjnë një pjesë të rëndësishme të ekosistemit të oqeanit. Krijesat gjigante magjepsin vizitorët teksa kërcejnë me lëvizjet e tyre të këndshme në akuarium.
“Breshkat e gjelbra të detit”, të njohura si rojet e lashta të deteve, janë një tjetër specie e akuariumit. Kjo specie, e cila mban të pastër shtratin e detit duke konsumuar alga dhe bar deti, kontribuon në ekosistemin nënujor.
Në departamentin special të rehabilitimit në “Sea Life Bangkok”, breshkat e detit që janë lënduar ose kanë nevojë për ndihmë trajtohen dhe kthehen në natyrë.
Peshkaqenë shkëmborë
Peshkaqenët shkëmborë në përgjithësi njihen si specie që tregon shëndetin e ekosistemit detar. Ata ndihmojnë në ruajtjen e shëndetshëm të shkëmbinjve koralorë.
Rolet e peshkaqenëve në ekosistem u shpjegohen vizitorëve përmes aktiviteteve edukative të ekspozuara në “Sea Life Bangkok Ocean World”.
Derisa peshkaqenët tigër rëre japin pamje të egër me gojën plot me dhëmbë të mprehtë, zhytësit hyjnë në habitatin e peshkaqenëve në akuarium dhe notojnë me ta.
Kopshtet e kuajve të detit
Kuajt e detit, të cilët zënë vend të veçantë në akuarium, kanë gjithashtu një vend të rëndësishëm në ekuilibrin delikat të ekosistemit detar.
Këto krijesa miniaturë nënujore, të cilat janë të rrezikuara në ujërat tajlandeze dhe botërore, jetojnë në kopshte koralesh të përgatitura posaçërisht në akuarium.
Pinguinët Gentoo
Pinguinët Gentoo me prejardhje nga Antarktida, pavarësisht motit tropikal të Bangkokut, ekspozohen në një mjedis të veçantë të ftohur.
Lëvizjet e pinguinëve veçanërisht tërheqin vëmendjen e fëmijëve.
“Sea Dragon”, i njohur gjithashtu si një dragua deti, e merr emrin nga shtojcat e tij si gjethe dhe alga dhe njihet si një i afërm i kuajve të detit dhe peshqve krokodilë.
