Darwin Nunez do të largohet nga Liverpooli, por vazhdon të jetë në pikëpyetje emri i skaudrës së tij të re.
Sulmuesi uruguaian është bashkuar me The Reds në verën e vitit 2022, por pa arritur të lë gjurmë në Anfield.
Liverpooli është lodhur duke pritur shpërthimin e tij dhe ka vendosur që t’i dëgjojë ofertat për Nunez pasi janë të gatshëm për ta shitur atë qysh në janar.
Daily Mirror ka raportuar se janë tre skuadra që po kërkojnë shërbimet e Nunez në afatin kalimtar të janarit.
Milani ka shprehur interesim, por Rossonerët duan huazimin e tij me të drejtë blerje dhe nuk janë të gatshëm të paguajnë shumë.
Në garë është edhe Atletico Madrid, megjithatë as klubi spanjoll nuk është e gatshme ta blejë menjëherë në janar atë.
Skuadra favorite për t’i siguruar shërbimet e Nunez është klubi arab Al-Hilal që janë gati t’i plotësojnë të gjitha kërkesat si të Liverpoolit ashtu edhe të sulmuesit.
The Reds synojnë që të fitojnë rreth 70 milionë euro nga shitja e Nunez.
