Shkup, 21 janar – Kryetari i Bashkimit Demokratik për Integrim, Ali Ahmeti përmes një postimi në proflin e tij në FB ka kujatuar përvjetorin e ndarjes nga jeta të Presidentit historik të Republikës së Kosovës, Dr. Ibrahim Rugova për të cilin shkruan se me urtësinë e tij u bë mik i veçantë i vendeve evropiane dhe fuqive më të mëdha botërore, shrkuan Top24
“Sot shënojmë përvjetorin e ndarjes nga jeta të Presidentit historik të Republikës së Kosovës, Dr.Ibrahim Rugova.
Çdoherë që kujtojmë Presidentin Rugova, kujtojmë largëpamësinë e tij, kontributin atdhetar për lirinë dhe konsolidimin shtetëror të Kosovës.
Me urtësinë e tij, Ibrahim Rugova u bë mik i veçantë i vendeve evropiane dhe fuqive më të mëdha botërore.
Ai u bëri ballë represioneve politike serbe, arriti që të qëndrojë guximshëm duke mos u zmbrapsur nga ideali dhe bashkë me jehonën e pushkëve të Ushtrisë Çlirimtare të Kosovës shpalosi para botës fytyrën e vërtetë të regjimit agresor serb.
Qoftë i përjetshëm kujtimi për veprimtarinë kombëtare të Dr. Ibrahim Rugovës!”, shkruan Ahmeti
