Nënkryetari i SHBA-së, JD Vance, mund të njoftojë një tërheqje të konsiderueshme të trupave amerikane nga Evropa gjatë vizitës së tij në Gjermani, tha kryetari i Konferencës së Sigurisë së Munihut, Christoph Heusgen, më 14 shkurt, sipas tabloidit “Bild”.
Uashingtoni pret që Evropa të japë një kontribut më të madh në mbrojtjen e kontinentit, transmeton Klankosova.tv.
Kandidati për kancelar i Unionit Kristian Demokrat (CDU) i opozitës gjermane, Friedrich Merz, gjithashtu parashikon se fjalimi i Vances në konferencë do të jetë “konfrontues, me mesazhe jashtëzakonisht të ashpra për Evropën dhe Gjermaninë”.
Me të mbërritur në Munih, Vance u takua me presidentin gjerman Frank-Walter Steinmeier dhe Ministren e Jashtme Annalena Baerbock.
Zyrtarët rusë nuk po marrin pjesë në konferencë.
“Ne nuk kemi akredituar një përfaqësues të vetëm të qeverisë ruse. Dhe këtu nuk mund të vini pa akreditim”, tha Heusgeni.
Vance pritet të takohet edhe me presidentin ukrainas Volodymyr Zelenskyy në konferencë.
