Shkup, 17 shkurt – Euroskepticizmi është armik i axhendës tonë dhe ne duhet të tregojmë drejtësi në vendimet para qytetarëve që i marrim. Gjithashtu, duhet të jemi diplomatë kreative që të arrijmë progres konkret në proceset. Edhe palët e majta edhe ato të djathta duhet të ndërtojmë pozicione të vetme, të lobojmë për ato pozcione jashtë dhe më shumë të mos lejojmë kjo çështje të na ndajë as partikisht, as t’i ndajë qyetarët, porositën sot folësit në kuadër të promovimit të Analizës së mendimit publik për procesin e vendit të aderimit drejt Bashkimit Evropian”, në organizim të Institutit për demokraci “Societes Civilis” – Shkup (IDSCS) dhe fondacioni “Konrad Adenuauer”.
Zëvendësministrja për Çështje Evropiane, Viktorija Trajkov, në fjalimin e sotëm theksoi se të gjithë bashkërisht duhet të përpiqemi për reforma të brendshme, të fokusohemi në punën në axhendën e reformave dhe të korrigjojmë gabimet e së kaluarës që kanë ndodhur në vend, duke u mundësuar institucioneve të jenë transparente dhe të hapura për qytetarët.
Sipas Trajkovit, ne duhet të jemi efikas dhe efektiv dhe në radhë të parë ta sjellim BE-në në vend.
Lidhur me hulumtimin, Trajkov potencoi se përqindja e besimit të qytetarëve në BE nuk është e keqe.
Deputetja dhe anëtare e Këshillit nacional për eurointegrime, Monika Zahkova konsideron se duhet para se gjithash të rregullohem në vend, që të jemi më të fuqishë, drejt vendeve të huaja. Ajo në fjalimin e saj nënvizoi se faktorët e jashtëm, në vend që reformat vendore janë ato që konsiderohen si shkaku kryesor për mngadalësimin e procesit eurointegrues
Ajo shtoi se ne kemi një detyrë shtëpie për të punuar në nivel kombëtar dhe për të zbatuar reformat. Siç theksoi, është inkurajuese që 62 për qind e popullsisë mbështet aspiratat për anëtarësim në BE dhe është mirë që në të njëjtën kohë, ky është një sinjal i stagnimit në rënien e vazhdueshme që kemi pasur sa i përket besimit.
Nënkryetari i Kuvendit dhe kryetar i Komisionit për çështje evropiane, Antonio Miloshoski, në fjalimin e sotëm theksoi se këto anketa kanë dobi të madhe, jo vetëm për vitin në të cilin janë realizuar, por edhe për monitorimin e trendeve që janë shumë të rëndësishme dhe në masë të madhe reflektojnë vetë ngjarjet që ndikojnë në disponimin, veçanërisht në aspektin e perceptimit të anëtarësimit në BE.
Ai konsideron se BE-ja me përfshirjen e vendeve nga Ballkani Perëndimor do të ishte edhe ekonomikisht më e fuqishme dhe politikisht më e ndikueshme
E pyetur për deklaratën e euromisares për zgjerim të BE-së, Marta Kos në Munih, se duhet të përforcohet procesi i zgjerimit, Milloshoski u përgjigj se “Bashkimi Evropian në dhjetë vitet e fundit nuk ka vizion të qartë për zgjerimin e BE-së”.
Sipas analizës së Institutit për Demokraci “Societas Civilis” – Shkup (IDSCS), mbështetja e qytetarëve për anëtarësim në Bashkimin Evropian mbetet në nivelin prej 62 për qind. Të anketuarit më të rinj dhe më të vjetër janë më të rezervuarit, me pasiguri më të madhe. Perceptimi për ndikimin e SHBA-së ka parë një rënie të ndjeshme tek qytetarët tanë – me 20 për qind në krahasim me vitin e kaluar.
