Shkup, 20 shkurt – Ndryshimet klimatike paraqesin një prej sfidave më të mëdha të kohës sonë. Në mënyrë që të përballemi me efikasitet me këto sfida, duhet të investojmë në kapitalin njerëzor – aftësinë tonë kolektive për t’u adaptuar, të krijojmë inovacione dhe të ndërtojmë shoqëri rezistente. Në atë drejtim, e finalizojmë propozimin e Ligjit për aksion klimatik, ku, krahas të tjerave, janë sendërtuar çështjet për arsimim për klimën dhe transferin e teknologjive, deklaroi sot zëvendëskryetari i parë i Qeverisë dhe ministër i Mjedisit Jetësor dhe Planifikimit Hapësinor, Izet Mexhiti.
Ai pati fjalim në ngjarjen përfundimtare të projektit “Ndërtimi i kapaciteteve për zhvillim të qëndrueshëm të kapitalit njerëzir në Maqedoni të Veriut”, implementuar nga Shoqata gjermane për bashkëpunim ndërkombëtar – GIZ dhe organit të emëruar nacional për Fondin e gjelbër klimatik (GCF) – zyra e kryetarit të Qeverisë. U prezantuan rezultatet kyçe dhe arritjet nga projekti, që në muajt e fundit punoi në atë se si të prëforcohen kapacitetet për përballje mee ndryshimet kliamtike në sektorët: shëndetësi, arsim dhe përfshirje sociale.
“Projekti pati për qëllim të ndihmojë që institucionet të jenë më të përgatitura dhe më efikase kur bëhet fjalë për përballje me ndryshimet klimatike dhe zhvillimit të qëndrueshëm”, u cek në ngjarje.
Në ngjarje, gjithashtu, u fol për krijimin e “vendeve të reja të gjelbra të punës”, që do t’u japin mundësi të rinjve të punojnë në sektorë që janë në pajtim me trendet më të reja klimatike.
Ministri i Politikës Sociale, Demografisë dhe Të Rinjve, Fatmir Limani tha se janë posaçërisht krenarë që ky projekt i vendosi themelet për nxitjen e vendeve të gjelbra të punës dhe avancimin e politikave për inkluzion social.
“Në këtë kontekst, me rëndësi është të theksojmë se Plani nacional i aksionit për mbështetje të zhvillimit të punësimit të gjelbër, klimatikisht të mençur, të ndjeshëm në aspekt gjinor dhe inkluziv, në sektorët kyç ekonomik në shtet, përmban masa konkrete për adaptim të tregut të punës drejt tranzicionit të gjelbër”, shtoi ministri.
Dame Dimitrovski, këshilltar i kryetarit të Qeverisë, theksoi se ndryshimet klimatike janë lartë në agjendën qeveritare dhe se sektorët e arsimit, mbrojtjes sociale dhe shëdnetësisë janë të njohur si kyç në agjendën e gjelbër.
“Institucionet relevante do të implementojnë plane të aksionit me aktivitete kyçe për përballje me ndryshimet klimatike që u përpunuan në suaza të këtij projekti. Investojmë në avancimin në kapitalin njerëzor dhe angazhimi ynë është që njerëzit në këto institucione këto projekte dhe aktivitetet t’i ndjejnë si të vetat”, shtoi Dimitrovski.
Nga Shoqata gjermane për bashkëpunim ndërkombëtar – GIZ, Mark Baret, menaxher projektues, theksoi se një e treta e portofolit është në të vërtetë implementimi i projekteve që, si në nivel nacional, ashtu edhe në atë rajonal, kontribuojnë drejt adaptimit të bujqësisë dhe sektorit të transportit, dekarbonizimit të sektorit energjetik, avancimit të efikasitetit energjetik të objekteve publike dhe përballjes me vërshimet, si dhe përforcimin e sektorit privat, që luan rol kyç në tranzicionin e gjelbër.
