Shkup, 7 mars – Me rastin e festës kombëtare, 138-vjetorit të mësonjëtores së parë shqipe, kryetari i Partisë Demokratike Shqiptare, Menduh Thaçi, përmes një postimi në profilin e tij në rrjetet sociale uroi festën madhështore.
“Hapja e Shkollës së parë shqipe, është një ngjarje historike që shënoi fillimin e një epoke të re për arsimin dhe identitetin tonë kombëtar. Ky hap i madh për arsimin e fëmijëve shqiptarë është një simbol i pavarësisë kulturore dhe fuqizimit të kombit tonë.
Në këtë përvjetor, angazhohemi të mbrojmë dhe zhvillojmë arsimin, për të siguruar një të ardhme më të ndritur për të gjithë shqiptarët. Në emrin tim dhe në emër të Partisë Demokratike Shqiptare, Gëzuar Ditën e Mësuesit!”, ka shkruar kryetari i PDSH-së, Menduh Thaçi në rrjetet sociale.
