Shkup, 15 prill – Më shumë se 15 vjet nuk ka ndalesë për përdorimin e mjeteve piroteknike në objekte dhe hapësira të mbyllura edhe pse janë të rrezikshme për jetën dhe sigurinë, konfirmoi Komisioni Shtetëror për Parandalimin e Korrupsionit (KSHPK). Siç ishte thënë në seancën e sotme, ky boshllëk ligjor mundëson pasivitet institucional dhe kushte të kufizuara për sanksionim.
Sipas KSHPK-së e cila zbatoi analizë antikorruptuese të disa ligjeve pas tragjedisë në Koçan ku humbën jetën 61 persona, nuk është rregulluar edhe procedura për marrjen e lejes për furnizimin e materieve shpërthyese, nuk është konfirmuar organi kompetent i cili do të vendosë për kërkesën, as nuk janë shkruar afatet për veprim, ndërsa mungojnë qartë edhe kushtet, kriteret dhe dokumentacioni.
“Për më shumë se 15 vjet që nga miratimi i Ligjit për kundërvajtje kundër rendit dhe qetësisë publike, nga viti 2007 deri në prill të vitit 2025, nuk ka pasur ndalim specifik për përdorimin e mjeteve piroteknike në ambiente të mbyllura, që është një boshllëk i konsiderueshëm ligjor dhe një burim potencial i rrezikut rregullator dhe të sigurisë. Prej më shumë se 15 vitesh, nuk ka një ndalim specifik ligjor për përdorimin e lëndëve piroteknike në ndërtesa dhe ambiente të mbyllura, edhe pse ato përbëjnë një rrezik të lartë për jetën dhe sigurinë. Një boshllëk i tillë ligjor mundëson pasivitet institucional, kushte të kufizuara për sanksionim, praktika të ndryshme në zbatimin e dispozitave ligjore, si dhe mundësi për aplikim selektiv dhe tolerim të shkeljeve. Ndërhyrja në kohë me ndalime të sakta është e detyrueshme, veçanërisht në rastet kur rrezikohet drejtpërdrejt shëndeti publik dhe siguria e qytetarëve. Duhet të krijohet mekanizëm për rishikim të rregullt të dispozitave për kundërvajtje dhe të merret në konsideratë vendosja e një vlerësimi të detyrueshëm të rrezikut të sigurisë për çdo kërkesë për leje për tubime publike, ngjarje dhe aktivitete në hapësira të mbyllura ku është e mundur përdorimi i mjeteve piroteknike”, theksoi kryetarja e KSHPK-së, Tatjana Dimitrovska, e cila shpjegoi rezultatet e analizës.
Paraprakisht në seancë ishte theksuar edhe se janë konstatuar shumë lëshime në Ligjin për veprimtarinë hotelierike.
