Burime në media konfirmojnë se është arrestuar ish-efektivi i RENEA Altin Morina. Ai ishte shpallur në kërkim me urdhër të SPAK, që prej majit të vitit 2024 në kuadër të operacionit “Revanshi”.
Morina u arrestua nga efektivë të komisariatit numër 2, ndërsa me vete iu gjet dhe një pistoletë pa leje.
Ai ndodhej nën shoqërinë e një tjetër personi në momentin e ndalimit. Ndërsa me vete iu gjet edhe një dokument, i dyshuar si i falsifikuar.
Ish-efektivi akuzohet se ka bashkëpunuar me Durim Bamin për të organizuar kultivimin e bimëve narkotike në zonën e Niklës.
Altin Morina është arrestuar edhe më herët, në mars të vitit 2023, pasi në makinën me të cilën po lëvizte iu gjetën 113 mijë euro. Më pasi ai u la i lirë nga gjykata pasi në atë kohë deklaroi se shumën e parave ia kishte marrë hua një mikut të tij biznesmen.
