Shkup, 15 maj – Në mbledhjen e 54-të të Këshillit Komunal të Çairit, kryetari i këshillit, Jetmir Asani, reagoi ashpër ndaj vendimit të këshilltarëve të BDI-së për të votuar kundër propozimit për rritjen e numrit të punëtorëve sezonal nga 50 në 70. Sipas Asanit, kjo lëvizje përbën një bllokadë politike në dëm të qytetarëve të Çairit.
Ai akuzoi BDI-në se po bashkëpunon me bojkotin institucional të Ndërmarrjeve Publike nën menaxhimin e Qytetit të Shkupit, duke mos lejuar punësimin e 20 qytetarëve të tjerë që do të kontribuonin në pastërtinë dhe mirëmbajtjen e hapësirave publike.
“Çairi nuk duhet të jetë viktimë e lojërave politike. BDI po vendos interesat e saj mbi interesin publik, duke bllokuar çdo iniciativë pozitive për qytetarët,” theksoi Asani. Ai u zotua se do të vazhdojë përpjekjet për të zgjidhur problemet me hapa konkretë dhe vendime të guximshme.
