Mbrojtësi i Interit, Alessandro Bastoni thuhet se ka dhënë dritën jeshile për t’u transferuar te Barcelona gjatë verës.
Gjigantët katalanas e kanë caktuar 26-vjeçarin si një objektiv prioritar për verën për të forcuar mbrojtjen e tyre.
Sipas ekspertit të transferimeve, Matteo Moretto, gjigantët katalunas mund të finalizojnë nënshkrimin e qendërmbrojtësit italian për rreth 60 milionë euro plus bonuset, me kusht që ai të jetë i gatshëm t’u bashkohet atyre.
Kartoni i kuq i Bastonit gjatë humbjes së Italisë kundër Bosnjës dhe Hercegovinës në finalen e ‘play-off’-it të Kupës së Botës ka rritur më tej kritikat ndaj tij dhe mund ta detyrojë të largohet nga Serie A.
Megjithatë, reprezentuesi italian mbetet një nga mbrojtësit qendrorë më të mirë në Evropë. Stili i tij i lojës përputhet me sistemin e Hansi Flick.
