Shkup, 23 qershor, Zhurnal.mk – „Energjia është një sektor në të cilin suksesi nuk është kurrë rezultat i një individi të vetëm. Ajo kërkon partneritet. Partneritet mes institucioneve dhe kompanive, mes sektorit publik dhe atij privat, mes interesave ekonomike dhe përgjegjësisë publike.
Si Ministri e Energjisë, Minierave dhe Burimeve Minerale, angazhimi ynë është të
ndërtojmë një sistem të qëndrueshëm, të parashikueshëm dhe të drejtë – një sistem që do të mbrojë interesat e qytetarëve, por njëkohësisht do të nxisë investime të reja,
inovacion dhe zhvillim”, theksoi ministrja e Energjetikës, Minierave dhe Burimeve
Minerale, Sanja Bozhinovska, në hapjen e sotme të ekspozitës në Çifte Hamam, pjesë e Galeria Kombëtare e Maqedonisë, të cilën e organizoi EVN Macedonia me rastin e 20-
vjetorit të ekzistencës së saj.
Duke uruar jubileun e EVN Maqedoni, ministrja Bozhinovska theksoi se ekspozita është një rrëfim për rrugëtimin që ka përshkuar energjetika maqedonase gjatë dy dekadave të fundit.
„Gjatë njëzet viteve të fundit, EVN Macedonia ka lënë një gjurmë të rëndësishme në zhvillimin e sistemit të shpërndarjes së energjisë elektrike, në modernizimin, digjitalizimin dhe përmirësimin e tij.
Ky është një proces që nuk matet vetëm me shifra dhe investime, por edhe me cilësinë më të mirë të shërbimeve dhe sigurinë më të madhe për qytetarët”, tha ministrja Sanja Bozhinovska, duke theksuar se ekspozita duhet të shërbejë si frymëzim për gjithçka që ende duhet të krijojmë në të ardhmen. Ministrja theksoi se energjetika nuk është vetëm infrastrukturë, por një pjesë e jetës së përditshme të qytetarëve dhe një nga shtyllat themelore mbi të cilat ndërtohet shoqëria moderne.
„Jetojmë në një kohë kur sektori i energjetikës po ndryshon më shpejt se kurrë më parë. Tranzicioni i gjelbër, teknologjitë e reja, rrjetet inteligjente dhe burimet e ripërtëritshme të energjisë janë sfida, por edhe mundësi që duhet t’i shfrytëzojmë së bashku. Prandaj, përvojën e fituar gjatë njëzet viteve të fundit nuk duhet ta shohim vetëm si një arsye për krenari, por edhe si një bazë për të ardhmen”, porositi ministrja Sanja Bozhinovska.
