Shkup, 17 shkurt- Komisioni për çështje të rregullores dhe mandatit-imunitetit sot mban mbledhje në të cilën shqyrtohen çështje lidhur me zbatimin e Rregullores së Kuvendit gjatë punës së Komisionit të përhershëm anketues për mbrojtje të lirive dhe të drejtave të qytetarit për debatin mbikëqyrës të caktuar për më 25 shkurt 2025 me temë “Efektet nga ndotja e ajrit në Shkup dhe në qytetet e tjera ndaj shëndetit të njerëzve dhe masat që po ndërmerren për mbrojtjen e shëndetit publik”.
Deputetët nga partitë në pushtet i bëjnë vërejtje kryetarit të Komisionit të përhershëm anketues Dimitar Apasiev për mënyrën e caktimit dhe organizimit të debatit mbikëqyrës, ndërsa për ta është kontestuese edhe trupi amë i cili organizon debat mbikqëyrës në temën për “Efektet nga ndotja e ajrit në Shkup dhe në qytetet e tjera ndaj shëndetit të njerëzve dhe masat që po ndërmerren për mbrojtjen e shëndetit publik”.
Apasiev gjatë mbledhjes tha se “po bëhet tentim për sabotim brutal të procesit legjitim” të thirrjes së debateve mbikqëyrëse. Ai sqaroi se debati mbikëqyrës është thirrë në bazë të 20 nënshkrimeve të deputetëve nga opozita. Deputetët në momente publikisht i bënë vërejtje Apasievit prë fjalorin që e prëdori nga foltoja e deputetëve.
“Deri para se ta sjellim Rregulloren e re ka pasur vetëm një lloj të debatit mbikqëyrës, ndërkaq ai është me nismë të anëtarit të trupit amë të punës. Meqenëse në të gjitha komisionet pushteti ka shumicë, është shpikur një institut tjetër, ndërsa ajo është se me kërkesë të 15 deputetëve duhet të mbani debat mbikëqyrës”, tha Apasiev duke shtuar se atë e kanë kërkuar njëzet deputetë prej tij.
Gjatë debatit, deputetja Ilire Dauti nga Fronti evropian propozoi të inicohet nismë për interpelancë të Dimitar Apasievit dhe ai të shkarkohet.
“Përse e drejta e jote është më e rëndësishme se e drejta ime? Nuk keni të drejtë të flisni për interpretim të Rregullores”, tha Dauti mes tjerash.
Apasiev tha se janë të pakrahasueshme situata e saj dhe e tij.
“Nuk kam shkelur asnjë nen të Rregullores, gjithçka është respektuar, nuk janë të krahasueshme situata ime dhe e juaja”, u përgjigj Apasiev.
Ai tha se nuk ka çështje kontestuese, ndërsa për komisionin me të cilin kryeso tha se është themeluar me Kushtetutë.
Sipas Vesna Bendevskës, është problem mënyra e sjelljes së kryetarit të komisionit anketues, ndërsa në bazë të titullit të debatit mbikëqyrës dhe trupit amë i cili do ta organizojë.
Ajo mes tjerash theksoi edhe komunikimin kontestues në rrjetin social “Viber”. Sipas saj, është gënjeshtër se ky debat publik nuk do të mbahet. Për ndotjen e ajrit tha se është problem ekologjik.
