Shkup, 6 tetor – Julija Maciev, nëna e të ndjerës Adrijana Maciev, ishte një nga dëshmitaret e para në seancën gjyqësore kundër të akuzuarit Nino Vasev për skandalin “Onkologjia”.
Me lot në sy, ajo rrëfeu gjithë golgotën që përjetoi vajza e saj e re në Klinikën Onkologjike të Shkupit dhe si e lutte doktorin Vasev që të mos i jepte terapi imune. Si pasojë e terapive të papërshtatshme, Adrijana zhvilloi metastaza artificiale në mëlçi, edhe pse më parë ishte kuruar nga kanceri i gjirit.
“Betova se do të flisja të vërtetën. Dy vite kaluam në golgotë dhe kanë kaluar tre vite që kur ajo vdiq. Kur i rikujtoj ato momente, gjithçka më rikthehet. Kur e mban mend, ti lutesh, e nga ana tjetër sheh autoritetin.
Nino Vasev ka një tipar që duket i padallueshëm, por imponon autoritetin e tij në mënyrën e vet, dhe kur do të shmangë përgjegjësinë, bën shaka dhe të shpërqendron.
Në fillim besuam, por si nënë shumë e vetëdijshme, unë thjesht e pyesja diçka serioze, e ai shmangte pyetjen time. Vajza ime dëshironte dhe besonte se gjithçka do të ishte mirë.
Edhe pse gjendja e saj shëndetësore po përkeqësohej, ai vazhdoi t’i jepte terapinë. Stomaku filloi t’i fryhej. Unë fillova të pyes se çfarë po ndodhte? Asgjë, do t’i mbushej stomaku me ujë, dhe ai më thoshte se do t’ia zbraznin. Ishte thjesht e papërballueshme. Shkonim në urgjencë sepse nuk mund ta duronte kur stomaku i saj mbushej me ujë.
Kur shkuam për herë të parë te Gastro, doktori aty më tha: “A e dini se çfarë gjendje ka vajza juaj? Ajo nuk është mirë. Mëlçia është dëmtuar. Ka metastaza artificiale nga terapia e papërshtatshme.
Pyetni onkologun tuaj. Këto ndodhin nga terapitë e papërshtatshme. Dhe kur, të lodhur, na kthejnë te doktori Nino, përgjigja ishte – kush janë ata që të thonë si dhe çfarë duhet?”, rrëfen e zhgënjyer nëna.
Irena Mulaçka/Fokus
