Shkup, 6 tetor – Këshilli iniciativë i Odës së Stomatologëve i bën thirrje Prokurorisë Publike të RMV-së, që sipas detyrës zyrtare të nisë procedurë për punë të paligjshme për udhëheqësinë aktuale të Odës së Stomatologëve, ku akuzojnë për keqpërdorim të pozitës dhe autorizimeve zyrtare kundër personave që kanë kryer dhe nënshkruar verifikimin e delegatëve, duke shkaktuar kështu dëme të mëdha materiale dhe jomateriale ndaj anëtarëve të Odës Stomatologjike. Sipas tyre, qëllimi i këtyre procedurave është rikthimi i ligjshmërisë, transparencës dhe besimit në organizimin profesional të stomatologëve në RMV, thotë Amella Cana nga Oda e Stomatologëve.
“Aktualisht Oda e Stomatologjisë nuk ka udhëheqje legjitime as edhe organe dhe trupa funksionale çka krijon një vakum juridik institucional. Prandaj është e domosdoshme organizimi urgjent i zgjedhjeve të reja të drejta dhe demokratike në kushte të jashtëzakonshme, ku do të marrin pjesë të gjithë anëtarët aktiv të odës pa asnjë kufizim në përputhje me ligjin për mbrojtje shëndetësore dhe statusin e odës. Ky vendim gjyqësor përbën një dëshmi të qartë për saktësinë e gjendjes faktike të konstatuar në raportet e MSh-së gjatë mbikëqyrjes ndaj Odës së Stomatologëve, për shkak të së cilës asaj iu hoqën të gjitha autorizimet publike.”, – deklaroi Amella Cana nga Oda e Stomatologëve.
“Më 29 të muajit të nëntë 2025 morëm aktgjykim nga Gjykata Administrative me të cilën zhvlerësohet vendimi për verifikimin e mandateve të delegatëve të zgjedhur në asamblenë e Odës së Stomatologëve, duke përfshirë edhe mandatin e kryetarit jolegal, Marjan Denkovski. Duke u udhëhequr nga statuti ekzistues dhe juristët, ky vendim do të thotë se kryetari aktual nuk është kryetar legjitim i odës, sepse aktet juridike të përmendura kushtëzojnë atë se kryetar mund të jetë vetëm ai delegat i zgjedhur me mandat të verifikuar.”, – theksoi stomatologia, Dafina Bogevska.
Përkujtojmë se Ministria e Shëndetësisë ka marrë kompetencat për licencimin e Odës së Stomatologëve, përkatësisht autorizimin publik të Odës së Stomatologëve, derisa, siç ka thënë ministri Aliu muajin e kaluar, derisa të vendoset sistem përmes të cilit Oda do të punojë ligjërisht, në mënyrë transparente dhe profesionale.
