Tetovë, 4 mars – Drejtori për Invoacion dhe Zhvillim Teknologjik, Festim Halili sot ishte pjesë e protestës së sindikatës së Universitetit të Tetovës të cilët kërkojnë rritjen e pagës ashtu siç është bërë edhe në Universitetin Shën Kirili dhe Metodi.
Halili i cili njëherit është dhe profesor në këtë universitet, është parë krah protestuesve si dhe disa profesorëve universitar që ishin pjesë e protestës.
Ndryshe sot, Sindikatat e pesë universiteteve publike në Manastir, Tetovë, Shtip, “Shën Apostol Pavlle” në Ohër dhe “Nënë Tereza” në Shkup në orën 13:00 organizuan protestë për shkak të mos-nënshkrimit të marrëveshjeve kolektive.
Universitetet në fjalë vlerësojnë se janë diskriminuar nga Qeveria dhe Kuvendi në raport me punëtorët e Universitetit “Shën Kiril dhe Metodi”, të cilit me kontratën kolektive të nënshkruar nga ky muaj do të kenë rritje të pagave prej rreth 22 për qind.
Ata u thonë autoriteteve se “po zbatojnë njëkohësisht standarde të dyfishta, diskriminim dhe pabarazi”.
