Kryeparlamentarja Lindita Nikolla deklaroi se baza ajrore e NATO-s në Kuçovë në asnjë rrethanë e kohë nuk i ka shërbyer paqes, sigurisë e stabilitetit, sikurse do ndoëh nga dita e sotme (4 mars).
Në fjalën e saj në ceremoninë e hapjes së kësaj baze, Nikolla u shpreh se Shqipëria është një partner i denjë dhe i sinqertë i NATO-s.
“Ne shqiptarët kemi të drejtë të krenohemi për disa të drejta që do i bënin nder çdo vendi aleat të NATO-s.
Jemi partner i denjë dhe i sinqertë i aleancës. Për dikë që iu njeh kontributet e Shqipërisë në NATO për paqen sigurinë e stabilitetin është e vështirë të kuptojë si një vend kaq i vogël të ketë një kontribut kaq të madh. Përgjigjen e dimë vetëm ne shqiptarët, sepse për ne anëtarësimi në Aleancë është një fakt ekzistencial që buron nga rrënjët, identiteti dhe aspiratat paqedashëse. Kemi të drejtë të krenohemi se SHBA e NATO kanë krijuar bindjen se nëse ka një vend anëtar të ri të Aleancës që mbështet pa asnjë dilemë vendimet e saj, ky vend është Shqipëria.
Kjo bazë, në asnjë rrethanë e kohë nuk i ka shërbyer paqes, sigurisë e stabilitetit sikurse po shërben nga dita e sotme”, tha Nikolla.
Ditën e sotme (4 mars) u mbajt ceremonia e hapjes së bazës së re ajrore të NATO-s në Shqipëri. Të pranishëm në këtë ceremoni, ishin Ministri i Mbrojtjes Niko Peleshi, Kryeministri Edi Rama, Presidenti Bajram Begaj, i Ngarkuarit me Punë i Ambasadës Ameriakne David Wisner, Ministri turk i Mbrojtjes Yaşar Güler, Ministri italian i Mbrojtje Guido Crosetto, etj,.
