Shkup, 24 qershor, Zhurnal.mk – Drejtori i Drejtorisë për Mbrojtje dhe Shpëtim, Stojançe Angelov, sot në orën 14:00 do të mbajë konferencë për shtyp në ambientet e Drejtorisë.
Tema do të jetë asgjësimi i dy granatave kimike 75 mm, me helm luftarak jashtëzakonisht të rrezikshëm – mjete të paeksploduara (MUS) me mbushje kimike nga Lufta e Parë Botërore.
Njëkohësisht, nga DMSH u bëjnë thirrje qytetarëve që nëse gjejnë bomba apo armë të paeksploduara të mos i lëvizin, por menjëherë t’i raportojnë tek institucionet kompetente.
„Apelojmë tek qytetarët që kur të gjejnë granata, bomba, pushkë, municion dhe armë të ngjashme nga luftërat e kaluara, qoftë në natyrë apo edhe në vendbanime urbane, të mos i lëvizin, por menjëherë të telefonojnë në numrin unik për raste urgjente 112. Pas kësaj, Drejtoria për Mbrojtje dhe Shpëtim (DZS), në përputhje me procedurat operative standarde për MUS, do ta eliminojë rrezikun“, theksojnë nga DMSH.
