Në mbledhjen dyditëshe të Këshillit Gjyqësor të Kosovës, nën drejtimin e Albert Zogajt, kryesues i këtij Këshillit, sot dhe nesër do të raportojnë drejtuesit e gjykatave për punën në tremujorin e dytë të këtij viti prill – qershor, raporton Ekonomia Online.
Shefi i Departamentit Special të Gjykatës Themelore në Prishtinë vuri në dukje sfidën e
numrit të pamjaftueshëm të gjyqtarëve, qoftë për shkak të avancimeve, qoftë për shkak të pensionimeve.
“Presim që Këshilli Gjyqësor i Kosovës në procesin e rekrutimit ta zbusë këtë gjendje, që do të mundësojë të kemi një produktivitet shumë më të madh”, tha ai.
Kryesuesi i Këshillit Gjyqësor të Kosovës, Albert Zogaj, tha se janë rekomanduar edhe katër gjyqtarë për Departamentin Special.
“Ideja është që këta katër gjyqtarë të fillojnë punën në Deparatmentin Special nga një shtatori. Të gjithë ata vijnë nga Departamenti për Krime të Rënda dhe është parë e arsyeshme që të mos pengohen proceset e nisura në Depatmentin e Krimeve të Rënda”, tha Zogaj.
