Shkup, 4 prill – Kryetari i LSDM-së, Venko Filipçe sot tha se një lider i partisë politike shqiptare e ka quajtur si humbje kohe thirrjen për takimin e liderëve.
“Kam thirrur në takim të gjithë kryetarët e partive politike dhe të kujtoj, kryetari i një partie shqiptare tha se do të ishte humbje kohe dhe tani po na akuzojnë për një lloj takimi monoetnik.
“Në atë takim kam përfaqësuar LSDM-në dhe kryeministri Hristijan Mickoski OBRM-PDUKM-në dhe jemi takuar si liderë të dy partive më të mëdha në bllokun maqedonas, në të njëjtën kohë kryeministri Mickoski ishte i pari që e pranoi ftesën për takim pa asnjë kundërshtim”, tha sot Filipçe nga Strumica.
Filipçe theksoi se askush nuk ka të drejtë ta akuzojë LSDM-në për politika apo qasje etnike apo nacionaliste, duke pasur parasysh se në bordin ekzekutiv të LSDM-së është një shqiptare, një grua myslimane maqedonase, ndërsa në periudhën e ardhshme do të jetë edhe një rome.
