Një gabim shumë i zakonshëm që bëjnë prindërit kur u japin fëmijëve të tyre forma të lëngshme farmaceutike (shurupe-suspensione) është përdorimi i lugëve të zakonshme të kuzhinës, të cilat ndryshojnë ndjeshëm në vëllim.
Kjo rezulton ose në mbidozë, duke rritur rrezikun e efekteve anësore, ose në nëndozë, duke ulur efektivitetin e ilaçit.
Prandaj, për të shmangur gabimet e dozimit, prindërit duhet t’u japin fëmijëve shurupe dhe ilaçet e tjera të lëngshme me shiringën e duhur dhe të projektuar posaçërisht për dozimin në ml që përfshihet në paketimin e ilaçit.
Gjithashtu është shumë e rëndësishme që prindërit të zgjedhin analgjezikun e duhur në bazë të shkakut të dhimbjes, të kenë parasysh çdo medikament shoqërues që u japin fëmijëve të tyre, të kenë lexuar me kujdes insertin e paketimit dhe të kenë kuptuar udhëzimet e administrimit të tij, ndërsa në të njëjtën kohë, pediatret duhet t’u japin prindërve udhëzime me shkrim për dhënien e ilaçit tek fëmijët e tyre.
