Shkup, 29 gusht – Në Gjykatën themelore penale Shkup sot vazhdoi procesi gjyqësor kundër Sulejman lamallarit, i akuzuar për dhunë të ashpër ndaj kryetares së Qytetit të Shkupit, Danella Arsovska. Edhe pse aktakuza e ngarkon për sulm fizik dhe verbal, Lamallari para gjykatës pohon se nuk është sulmues, por viktimë e incidentit që ndodhi më 11 korrik 2025 kur Arsovska ishte në terren me persona të autorizuar zyrtarë pas paraqitjes për ndërtim pa leje.
Në kuadër të nxjerrjes së dëshmive nga ana e mbrojtjes, Lamallari u mor në pyetje nga avokatja e tij Ivanka Jakimovska. Ai në mënyrë kategorike i hodhi poshtë akuzat, duke pohuar se ka qenë viktimë, dhe jo sulmues.
“Atë ditë unë nuk e sulmova askë, isha i sulmuar nga kryetarja e Qytetit. Ajo m’u afrua me telefon, unë vetëm tunda me dorë, duke dashur t’ia largoj telefonin, të mos xhirojë në mënyrë të paautorizuar”, deklaroi Lamallari para gjykatës.
I akuzuari pohon se ka ardhur deri te debati verbal dhe kontakti fizik, me ç’rast, sipas tij, e dëmtuara e ka goditur me këmbë.
“E dëmtuara më goditi me këmbë, më shqelmoi me këmbë… Këtu mbi gjurin, në këmbën e majtë.
Lamallari theksoi se në vendin e ngjarjes ka qenë i pranishëm me skuter elektrik, të cilin, siç tha, “në asnjë moment nuk ka lëshuar nga dora”. Sipas pohimeve të tij, incidenti është xhiruar nga ana e kryetares së Qytetit dhe ekipi i saj, por ai personalisht nujk ka bërë kurfarë xhirime.
I akuzuari deklaroi edhe se pas incidentit të 11 korrikut 2025 nuk ka mundur të shkojë në spital sepse është mbajtur në stacion policor. Edhe pse është kontrolluar ditën e njejtë, rezultatet mekësore kishin arritur madje pas mesnate.
Në dëshminë para gjykatës, Lamallari konfirmoi se ka pasur sharje të ndërsjellta mes tij dhe kryetares së Qytetit Danella Arskovska, me ç’rast theksoi fjalë konkrete ofenduese ndaj tij. Ai shtoi se nuk e mban mend nëse ka sharë edhe të pranishëm të tjerë, por pohoi se i tërë ekipi i kryetares e ka ofenduar atë.
Në pyetjen nëse është ndjerë i dëmtuar, lamallari u përgjigj pozitivisht dhe thekosi se dëshiron kryetarja e Qytetit të përgjigjet për, siç tha, “atë që e ka bërë”.
Paraprakisht, në seancën e parë kur i akuzuari u deklarua i pafajshëm, kryetarja Danella Arsovska, e përshkroi ngjarjen si “agresive dhe të rrezikshme”. Në paraqitjen e vet Arsovska deklaroi se është ndjerë “e rrezikuar, e pasigurt dhe e frikësuar”, ndërsa sulmi, sipas saj, ka zgjatur mbi 40 minuta. Ajo theksoi se “agresioni vazhdimisht rritej” dhe se “policia intervenuese është dashur t’i nxjerrë”.
Sipas aktakuzës, Lamallari ka arritur me skuter elektrik dhe e ka sulnuar fizikisht dhe verbalisht, me ç’rast i ka shkaktuar lëndime trupore dhe ka bërë kërcënime serioze drejt saj.
Gjykimin e udhëheqë Biljana Kocevska, ndërsa përfaqësues i aktakuzës është prokurori Aleksandar Davçevski.
