Haraçinë, 7 tetor – Kandidati për kryetar komune në Haraçinë, Daut Beqiri, ka realizuar një takim të veçantë me Imer Tanushën, vëllain e dëshmorit të parë të kësaj komune, Remzi Xhaferit.
Në këtë takim simbolik, Beqiri shprehu respektin dhe mirënjohjen e thellë për familjet e dëshmorëve, duke theksuar se sakrifica e tyre është themel i lirisë dhe identitetit të Haraçinës.
“Takimi me Imer Tanushën nuk ishte vetëm një nder personal, por një kujtesë e gjallë për nevojën që të mos harrojmë kurrë ata që dhanë gjithçka për vendin tonë,” u shpreh Beqiri.
Ai shtoi gjithashtu se angazhimi i tij si kandidat për komunën e Haraçinës mbështetet fuqimisht në vlerat e luftës për liri, dinjitet dhe zhvillim të barabartë për të gjithë qytetarët.
