Shkup, 20 janar – Inspektorati Shtetëror Sanitar dhe Shëndetësor (ISHSSH) do të kërkojë nga ministri i Shëndetësisë, Arben Taravari që të formohet një komision i ekspertëve për mjekimin e fëmijës nëntëvjeçar nga Sveti Nikolla, i cili ndërroi jetë më 14 janar. Informacionin sot për MIA-n e konfirmoi drejtori i Inspektoratit, Kiril Llazov.
Mbikëqyrje e jashtëzakonshme inspektuese për mjekimin e fëmijës ishte bërë në tre vende – duke filluar nga mjeku amë, Spitali Klinik – Shtip dhe në Klinikën e Sëmundjeve të Fëmijëve në Shkup. Nga mbikëqyrjet e jashtëzakonshme inspektuese të kryera në këto institucione shëndetësore, Inspektorati Shtetëror Sanitar dhe Shëndetësor nuk ka konstatuar parregullsi.
Komisioni i ekspertëve duhet të konfirmojë nëse ka pasur ndonjë gabim të mjekëve gjatë mjekimit të fëmijës nëntëvjeçar.
Në institucionin privat shëndetësor, fëmija ishte paraqitur për shkak të dhimbjeve në stomak dhe të vjellave, kollitje, temperaturë të lartë dhe mungesë të gjumit një ditë më parë.
“Gjatë kontrollit, fëmija ishte i përgjumur, në gjendje afebrile, pa shenja bindëse për dehidtratim. I janë bërë kontrolle laboratorike pas çka i është dhënë terapi infuzioni gjatë së cilës te fëmija paraqitet përgjumje me reagim të dobët në të folur për çka është dërguar në ISHP Spitali Klinik – Shtip”, ishte sqaruar nga ana e ISHSSH pas mbikëqyrjes.
Në Spitalin Klinik në Shtip, fëmija ishte sjellë me taksi, ishte pranuar pasdite rreth orës 18, i kontrolluar nga mjeku kujdestar me çka ishte vendosur diagnoza përgjumje.
“Në ISHP SK – Shtip i janë bërë sërish analiza laboratorike dhe KTM në kokë. Për shkak të gjendjes së përgjithshme jo të mirë shëndetësore si dhe konstatimeve nga analizat laboratorike dhe KTM, fëmija i shoqëruar nga ekipi mjekësor – mjek, infermiere, me autoambulancë është transferuar në Klinikën Universitare për sëmundje të fëmijëve të ISHP-së. Në ISHP Qendra Klinike për Sëmundjet e Fëmijëve, fëmija është sjellë me datë 14 janar në ora 20:25 si rast urgjent me diagnozë të përgjumur pas njoftimit paraprak dhe takim me mjekun kujdestar nga Reparti i Neurologjisë në Klinikë. Me rastin e pranimit, fëmija ishte në gjendje përgjithësisht të rëndë, për këtë arsye filloi menjëherë rihidrimi dhe korrigjimi i parametrave biokimikë. Në orën 22:25 ka pasur përkeqësim të mëtejshëm me arrest respirator dhe kardiak, ka iniciuar reanimacioni, gjatë së cilës është dërguar në DKINT për trajtim të mëtejshëm. Gjendja e fëmijës vazhdoi të përkeqësohej pavarësisht të gjitha ndërhyrjeve shoqëruese, reanimacioni nuk u pranua dhe në orën 23:30”, sqaruan nga ISHSSH.
