Chelsea ka kompletuar transferimin e portierit danez Filip Jorgensen nga Villarreali.
Zyrtarizimi i portierit danez u bë vonë me Chelsean që ka fituar garën dhe tani kanë reprezentuesin danez në radhët e veta.
Londinezët kanë paguar 24,5 milionë euro për transferimin e danezit shtatlartë, derisa ai është shprehur i lumtur që do t’i mbrojë ngjyrat bardhekaltër.
“Ishte shumë e rëndësishme për mua që të vija këtu sa më shpejt që të ishte e mundur dhe të përfshihesha sa më shpejt që të mundesha për t’u përgatitur për sezonin e ri, për të mësuar se si trajneri dëshiron të luajë dhe për të njohur të gjithë”, tha Jorgensen.
“Jam shumë i lumtur me mënyrën se si kanë kaluar 12 muajt e fundit. Unë jam shumë i sigurt në veten time dhe e di se çfarë cilësish kam”.
“Për fat të mirë pata mundësinë të tregohem në skenën më të madhe në Spanjë dhe tani jam shumë i lumtur që kam mundësinë ta bëj këtë në një nga klubet më të mëdha në botë”.
“Gjithmonë më ka pëlqyer të shikoj Chelsean sepse kam parë shumë Petr Cech duke u rritur, kështu që Chelsea ishte një nga skuadrat e mia të preferuara për t’u ndjekur”, tha danezi.
Me transferimin e Jorgensen, te Chelsea aktualisht janë gjashtë portierë si Robert Sanchez, Djordje Petrovic, Kepa Arrizabalaga, Marcus Bettinelli dhe Lucas Bergstrom.
Gjithsesi tre prej tyre pritet të largohen gjatë afatit kalimtar veror.
