Shkup, 3 gusht – Falë angazhimit të Qeverisë së re dhe përkushtimit të pandalshëm të kuadrove të VLEN-it, investimet konkrete dhe të prekshme po bëhen realitet në çdo cep të komunës.
Zëvendëskryeministri i parë, Izet Mexhiti, vizitoi nga afër përfundimin e një pjese të kanalit anësor në Haraçinë, një projekt i jashtëzakonshëm në vlerë prej 63.9 milionë denarësh, financuar tërësisht nga buxheti i Ministrisë së Mjedisit Jetësor dhe Planifikimit Hapësinor.
Ky investim transformues, i gjatë 295 metra, ka rikthyer funksionin natyror të kanalit, i cili më parë ishte i bllokuar dhe i tejmbushur nga mbeturina. Sot, ky kanal ka një kapacitet të ri rrjedhjeje, rrit sigurinë për mbi 12.600 banorë, mbron sipërfaqet bujqësore dhe ul ndjeshëm rrezikun nga përmbytjet sezonale.
Por kjo është vetëm një pjesë e ndryshimit që po sjell VLEN! Vetëm në muajt e fundit, përmes Ministrisë së Mjedisit Jetësor, janë realizuar 20 projekte të tjera, me një vlerë totale prej 93 milionë denarësh, përfshirë: ndërtimin e kanalizimeve atmosferike dhe fekale në rrugët e Haraçinës, rregullimin e shtratit të lumit në Mojancë, Grushinë dhe Orllancë, ndërtimin e trotuareve, shtigjeve për këmbësorë dhe hapësirave publike funksionale e të sigurta për qytetarët.
Paralelisht, përmes Ministrisë së Transportit, po realizohen investime shtesë prej 53 milionë denarësh për rikonstruksionin e rrugëve lokale, duke përmirësuar ndjeshëm infrastrukturën e lëvizjes dhe ndërlidhjen me zonat përreth.
VLEN po dëshmon se ndryshimi nuk është premtim, por vepër.
Këto investime janë historike, janë transformuese, janë dëshmi e një qeverisjeje që i përgjigjet realisht nevojave të qytetarëve. Ky është vetëm fillimi! Haraçina do të jetë shembull i suksesit dhe zhvillimit! VLEN do të vazhdojë me fuqi të shumëfishuar, me projekte madhore që e çojnë komunën dhe gjithë rajonin në një nivel të ri dinjiteti dhe mirëqenieje.
